«Оқу мақсаттарына лайықтап тапсырмаларды деңгейлеп беру»

2020 жылдың 02 қарашасында «Өрлеу» БАҰО» АҚФ Түркістан облысы және Шымкент қаласы бойынша педагогикалық қызметкерлердің біліктілігін арттыру институты мен Шымкент қаласы Білім басқармасының педагогтердің біліктілігін арттыру курстарын ұйымдастыру, өткізу және курстан кейінгі жұмыс бойынша бірлескен жоспарына сәйкес Шымкент қаласы №35 М.Мәметова атындағы жалпы орта білім беретін мектебінің пән мұғалімдерінің қатысуымен онлайн форматта «Оқу мақсаттарына лайықтап тапсырмаларды деңгейлеп беру» тақырыбында шебер-сынып өткізілді.
Іс-шараның мақсаты: білім беру үдерісінде нәтижелі оқыту жұмыстарын жасау үшін оқу мақсаттарына лайықтап озық педагогикалық тәжірибелерді сабақ барысына енгізе отырып, тапсырмаларды тиімді пайдалануға бағыттау.
№35 М.Мәметова атындағы жалпы орта білім беретін мектебінің қазақ тілі және қазақ әдебиеті пәні мұғалімі Жанна Култанова, орыс тілі және әдебиеті пәні мұғалімдері Алия Тажибаева мен Оксана Воробьева, ағылшын тілі пән мұғалімі Айгүл Жетенова оқыту үдерісінде табысты нәтижеге жетудегі өз сабақ практикасымен бөлісті.
Іс-шара қорытындысы бойынша шебер-сыныпта мазмұнды баяндамалар ұсынған, шығармашылық ізденістер танытқан мұғалімдер белсенділігі мен кәсіби шеберлігі үшін институттың алғыс хаттары және мадақтамаларымен марапатталды.