Әл-Фараби аудандық мектеп парламенттері арасында өткен "Жайдарлы жүзді жайдарман!" атты аудандық іріктеу ойынында   М.Маметова атындағы №35 жалпы орта білім беретін  мектебінің "Болашақ депутаттар" командасы  жүлделі ІІІ орын иеленді.

 Азаматтық қорғаныс  жоспарына сәйкес  жер сілкінісі болған жағдайы бойынша оқу-жаттығуы және сынып сағаттары   өткізілді.

"Жайдарман" ойыны өткізілді. Жеңімпаз команда "Жайдарлы жүзді жайдарман" аудандық іріктеу ойынына жолдама алды.

 8-11 сынып оқушылары арасында  Тұран ЮПБ инспекторы полиция аға лейтенанты М.Ә.Марқаш  және мектеп инспекторы М.С.Сулейменова  қазіргі таңда кәмелет жасқа толмаған жасөспірімдер арасындағы орын алып жатқан құқық бұзушылық пен зорлық -зомбылықтың алдын-алу, сыбайлас жемқорлыққа қарсы іс-шаралар туралы және оларды болдырмау мақсатында  кеңінен түсіндірме жұмыстарын жүргізді. 

Қазақстан Республикасы Оқу-ағарту министрлігі Балалардың құқықтарын қорғау комитетінің Алғыс айту күніне арналған “Ризашылық - мейірімділік бұлағы” жалпыұлттық мәдени-білім беру жобасы аясында 13.01.2023 жылы  Ұлттық пікірсайыс турнирінің мектепішілік іріктеу кезеңін өткізді. 

 8-10 сыныптардың қыз балалар арасында мектеп директоры Карабаева Жайна Амантаевна  жиналыс өткізді.  Мақсаты бүгінгі таңда жасөспірім қыздар арасындағы ең өзекті мәселе болып отырған жасөспірім қыздар арасындағы құқық бұзушылық, буллинг және кубербуллинг соның ішінде  ерте жүктіліктің алдын алу, мектепішілік қарым- қатынас пен психологиялық ахуалға бақылау жасау.  Мектеп ішіндегі жасөспірім қыздар тәртібі, қыздар арасындағы түрлі келіспеушіліктердің алдын алуға қатысты ақпараттар берілді.

Үйде оқытылатын оқушыларға арналған жаңа жылдық іс-шара өткізілді. Іс-шарада балалардың көңілін көтеру мақсатында жаңа жылдық сыйлықтар табысталды.

Тәуелсіздік күніне  арналған  «Өнерім саған, Тәуелсіз Қазақстаным!» атты  мерекелік  іс-шарасы өткізілді. Іс-шара тәуелсіздік жолында құрбан болған боздақтарды  бүгінгі ұрпақ  тарапынан  тағзым ретінде бір минут үнсіздікпен еске алумен басталды. 

Қазақстан Республикасының Тәуелсіздік күніне орай Республикалық бірыңғай  «Жас Ұлан» балалар мен жасөспірімдер ұйымына мүшелікке қабылдау салтанатты жиыны өтті. Өскелең жас ұрпақтың бойында патриоттық, білім мен өзін-өзі жетілдіруге деген құштарлық, беріктік, Отан тарихына, Тәуелсіз Қазақстанның бүгіні мен болашағына деген жауапкершілікті қалыптастыру мақсатында ұйымдастырылған іс- шарада мектеп директоры Ж.А.Карабаева мен мектеп әкімшілігі оқушыларды  құттықтап, ізгі тілектерін білдірді. 

Тұлғаны бала кезінен Қазақстандық патриотизм қалыптастыру мен сыбайлас жемқорлықты қабылдамау рухына тәрбиелеу мақсатында, Рухани адамгершілік және азаматтық патриоттық тәрбиелеу контекстінде сыбайлас жемқорлыққа қарсы мәдениетті мектеп ортасында қалыптастыру бағдарламасы негізінде  8 сынып оқушыларын "Адал Ұрпақ" клубына қабылдау рәсімі өткізілді.